वीरगञ्जमा असोज १५ गतेसम्म लम्बियो निषेधाज्ञा

१ असोज, वीरगञ्ज । पर्साको वीरगञ्जमा जारी निषेधाज्ञा थप १५ दिन लम्बिएको छ । जिल्ला सुरक्षा समितिको बैठकले कोरोना संक्रमण रोकथाम, नियन्त्रण र उपचारका लागि असोज १५ गते मध्यरातसम्म महानगरपालिका क्षेत्रमा निषेधाज्ञालाई निरन्तरता दिने निर्णय गरेको हो ।

जिल्लामा संक्रमण घटेपनि जोखिम कायमै रहेको भन्दै निषेधाज्ञा लम्ब्याइएको हो । वीरगञ्जमा पछिल्लो समय दैनिक संक्रमितको मृत्यु हुन थालेको थियो । तर पछिल्लो हप्ता संक्रमित घट्दै गएका बेला बुधबार भने एक जना पनि संक्रमित भेटिएका थिएनन् ।