कोरोना संक्रमित पत्रकार थापालाई बीमा रकम हस्तान्तरण

१ असोज, काठमाडौं । मिसन मिडिया क्लवले पत्रकार महासंघ ललितपुरका पत्रकार विदुर थापालाई कोरोना बीमा वापतको एक लाख रुपैयाँ हस्तान्तरण गरेको छ । नेपाल पत्रकार महासंघ उपत्यका प्रदेश समितिले काठमाडौँ, भक्तपुर र ललितपुरका ११९ पत्रकारको कोरोना बीमा गरेकाे थियो ।

त्यसमध्ये कोरोनाबाट संक्रमित हुन पुगेका थापालाई बीमाको एक लाख रुपैयाँ हस्तान्तरण गरिएको हो । नेपाल पत्रकार महासङ्घ उपत्यका प्रदेश समितिका महासचिव समेत रहेका क्लबका अध्यक्ष श्रीजन झाले आज प्रदेश समितिको कार्यकक्षमा आयोजित एक कार्यक्रममा पत्रकार थापालाई बीमा कम्पनी सगरमाथा इन्स्योरेन्सबाट प्राप्त बीमा रकम १ लाख रुपैयाँको चेक हस्तान्तरण गरेका हुन् ।

हस्तान्तरण कार्यक्रममा उपत्यका प्रदेश समितिका कोषाध्यक्ष टेकबहादुर रोका, महासंघ ललितपुर शाखाका कोषाध्यक्ष रामहरी कार्की कान्तिपुर हटलाइनका पत्रकारद्दय विष्णु विष्ट, त्रिरत्न महर्जन लगायतको उपस्थित थियो ।

अबको केही दिनमा अर्का कोरोना संक्रमित पत्रकार संजय केसीलाई समेत काेराेना बीमा वापतको रकम हस्तान्तरण गरिने महासचिव झाले जानकारी दिए ।