चुनाव हारेका वामदेव गौतम बने सांसद

१ असोज, काठमाडौं । चुनाव हारेपनि वामदेव गौतम सांसद बनेका छन् । राष्ट्रियसभामा मनोनीत सत्तारूढ नेकपाका उपाध्यक्ष गौतमले राष्ट्रियसभाको शपथ ग्रहण गरेसँगै सांसद बनेका हुन् ।

राष्ट्रियसभाका अध्यक्ष गणेश तिमिल्सिनाले गौतमलाई शपथ ग्रहण गराएका हुन् । गौतमलाई राष्ट्रियसभा सदस्य राष्ट्रपति विद्यादेवी भण्डारीले बिहीबार मनोनीत गरेकी थिइन् । गत सोमबार बसेको मन्त्रिपरिषद् बैठकले गौतमलाई राष्ट्रियसभा सदस्यमा मनोनीत गर्न राष्ट्रपतिसमक्ष सिफारिस गरिएको थियो ।