नेपालगञ्जमा कोरोना संक्रमित पुरुषको मृत्यु

१ असोज, बाँके। बाँकेको नेपालगञ्जमा कोरोना भाइरसको संक्रमणबाट एक जना पुरुषको मृत्यु भएको छ । नेपालगञ्ज उपमहानगरपालिका–१ का ४५ वर्षीय पुरुषको उपचारका क्रममा बिहीबार भेरी अञ्चल अस्पतालमा मृत्यु भएको हो ।

ज्वरो र श्वासप्रश्वास समस्याबाट प्रभावित भएका उनी भदौ २९ गते नेपालगञ्ज मेडिकल कलेजमा भर्ना भएका थिए । ३१ गते स्वाब परीक्षण गर्दा कोरोना पोजेटिभ देखिएसँगै उनको स्वस्थ्य अवस्था जटिल बनेको थियो ।

कोरोना पोजेटिभ देखिएपछि उपचारका लागि भेरीअञ्जल रिफर भएका उनको बिहीबार दिउँसो १२ बजे उपचारका क्रममा मृत्यु भएको हो ।