विप्लव देखि बैधसम्मको एकतामा रवीन्द्र श्रेष्ठको जोड

१ असोज, काठमाडौं । विभिन्न स साना पार्टीका झुण्डमा विभाजित कम्युनिष्ट पार्टीको एकतामा नेकपा (बोल्सेभिक)ले जोड दिएको छ । भदौ महिनाको अन्तिममा बसेको नेकपा बोल्सेभिकको बैठकले कम्युनिष्ट पार्टी एकताको आधार तयार पार्दै एकता गर्नुपर्नेमा जोड दिएको हो ।

पार्टी महासचिव रविन्द्र श्रेष्ठले चिरा चिरा परेको कम्युनिष्ट पार्टीको एकतामा अग्रसरता समेत देखाएका छन् । श्रेष्ठले विप्लव नेतृत्वको नेकपा, मोहन वैद्य नेतृत्वको नेकपा क्रान्तिकारी, लोकनारायण नेतृत्वको नेकपा, गोपाल किराँती नेतृत्वको नेकपा माओवादी केन्द्र, आहुति नेतृत्वको वैज्ञानिक समाजवादी, सीपी मैनाली नेतृत्वको नेकपा माले, नारायणमान बिजुक्छेको नेमकिपा, सत्तारुढ नेकपाभित्रका क्रान्तिकारी र मसालभित्रका वामपन्थी पार्टीबीचमा एकता गर्नुपर्ने आवश्यकता औल्याएका छन् ।

पछिल्लो समय फुटेका कम्युनिष्ट कमजोर र निष्प्रभावी भएपछि एकतामा जोड दिदै आएका छन् । तर एकता प्रक्रिया भने अगाडी बढ्न सकेको छैन् ।