चितवनमा कोरोना संक्रमित युवाको मृत्यु

२ असोज, भरतपुर। चितवन मेडिकल कलेजमा कोरोना संक्रमितको मृत्यु भएको छ । कलेजमा उपचाररत पूर्वी नवलपरासीको देवचुली नगरपालिका वडा नम्बर ११ का ३१ वर्षीय युवकको मृत्यु भएको हो । २६ गते कोरोना पुष्टि भएका उनको गएराति मृत्यु भएको हो ।

अस्पतालका निर्देशक डा. दयाराम लम्सालका अनुसार सघन उपचार कक्षमा भेन्टिलेटरमा राखेर ती युवकको उपचार भइरहेको थियो । तर उपचार गर्दा पनि सञ्चो नभएपछि गएराती उनको मृत्यु भएको हो ।

यससँगै चितवनमा कोरोना संक्रमित मृत्तकको संख्या ३० पुगेको छ ।