जनकपुरमा रेल हेर्दै, कोरोना फैलाउँदै !

२ असोज, जनकपुर । जनकपुरधाममा रेल हेर्नेको लाइन लागेको छ । भारतको जयनगरबाट रेल आएपछि जनकपुरधाममा रेल हेर्नेको घुइँचो लागेको हो। तर रेल हेर्नेलाई कोरोना भाइरसको जोखिम पनि बढेको छ । कतिपयले कोरोना फैलाउने सम्भावना पनि छ ।

कोरोनालाई बेवास्ता गर्दै रेल हेर्न स्टेशनमा जम्मा भएका कतिपय मानिसले मास्क समेत लगाएका छैनन् । नेपालको झण्डा जस्तै रंगमा रंगिएको दुई सेट रेल केहीबेरअघि जनकपुर आई पुगेको हो । भारतको जयनगरबाट धेरै लामो समयपछि रेल आएको हो ।

रेलको लिकमा ओहोर दोहोर गरिरहेका कतिपयले मास्क समेत नलगाएपछि एक दुई दिनमा कोरोना भाइरसको संक्रमण भयावह हुन सक्ने जोखिम जनकपुरमा छ । रेल्वे स्टेशनमा सामाजिक दुरी कायम गराउने प्रहरी पनि देखिएको छैन् ।