बंगलादेशबाट मल ल्याउन मन्त्रिपरिषदको सहमति

२ असोज, काठमाडौं । बंगलादेशबाट ५० मेट्रिकटन युरिया मल ल्याउन मन्त्रिपरिषदले कृषि तथा पशुपंक्षी विकास मन्त्रालयलार्य अनुमति दिएको छ । मन्त्रिपरिषद बैठकले मल ल्याउनका लागि औपचारिक रुपमै मन्त्रालयलाई अनुमति दिएको हो ।

जी टू जी प्रक्रियाबाट मल ल्याइने भएकाले मन्त्रिपरिषद बैठकको निर्णय आवश्यकता परेको हो । सरकारको निर्णयपछि दुई महिनाभित्र मल नेपाल ल्याइसक्ने प्रक्रिया थालिएको छ ।

बंगलादेशले ब्लकमा उपलब्ध गराउने र त्यसलाई प्याकेजिङ गरेर ल्याउनका लागि फाष्ट ट्र्याक टेण्डर प्रक्रिया अवलम्बन गरिने मन्त्रालयले जनाएको छ ।

बंगलादेशसँग पैँचोमा मागिएको मल नेपालले ग्लोबल टेण्डर गरेर ८ महिनाभित्र बंगलादेशनै लगिदिनु पर्ने सहमति पनि बनेको छ ।