नेपालमा एकैदिन संक्रमितको संख्या २०२० पुग्यो

२ असोज, काठमाडौं । कोरोना महामारीमा बिना पूर्वतयारी निषेधाज्ञा खोलेपछिको असर देखिन थालेको छ । नेपालमा एकै दिन दुई हजार बढीमा कोरोना पुष्टि भएपछि यसप्रतिको लापरबाही देखिन थालेको हो ।

पछिल्लो चौबिस घण्टामा ११ हजार ४ सय ५८ जनाको पीसीआर परीक्षण गर्दा २०२० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । शुक्रबारसम्म देशभर सक्रिय संक्रमितको संख्या १७ हजार ३८३ जना रहेका छन् ।

जसमध्ये संस्थागत आइसोलेसनमा ९ हजार २९५ जना रहेका छन् र होम आइसोलेसनमा ८ हजार ८८ जना रहेका छन् ।