शिक्षामन्त्री पोखरेललाई १३ विद्यार्थी संगठनको ७ दिने अल्टिमेटम

२ असोज, काठमाडौं । १३ विद्यार्थी संगठनले कोरोना महामारीबाट प्रभावित शिक्षा क्षेत्रलाई उकास्ने गरी ठोस कदम चाल्न शिक्षामन्त्री गिरिराजमणि पोखरेललाई ७ दिने अल्टिमेटम दिएका छन्।

विद्यालय, क्याम्पस र विश्वविद्यालयको शैक्षिक सत्र खेर जान नदिन तत्काल सरकारले गम्भीर रुपरमा सरोकारवालासँग छलफल गरेर समाधान खोज्नुपर्ने विद्यार्थी संघ संगठनको माग छ । शुक्रबार १३ संयुक्त विद्यार्थी संगठनका तर्फबाट नेविसंघ अध्यक्ष राजिव ढुंगानाले मन्त्री पोखरेललाई ज्ञापन पत्र बुझाएका हुन्।

निजी विद्यालय र क्याम्पसहरूले अनलाइन कक्षाका नाममा चर्को शुल्क उठाएकोले कारवाबाही गर्न माग गरिएको छ। पोखरालगायत विश्वविद्यालयमा पदाधिकारी नियुक्त गर्न विद्यार्थी संगठनको माग छ।

शिक्षण संस्थामा रहेका क्वारेन्टिन हटाउन र शैक्षिक सत्र खेर नजाने गरी पठनपाठनको योजना बनाई कक्षा सञ्चालन गर्ने व्यवस्था मिलाउन उनीहरूको माग छ।