पेरिसडाँडामा नेकपाको सचिवालय बैठक शुरु

४ असोज, काठमाडौं । सत्तारुढ नेकपाको सचिवालय बैठक पेरिसडाँडामा शुरु भएको छ । पेरिसडाँडास्थित पूर्वमाओवादीको केन्द्रीय कार्यालयमा बैठक शुरु भएको हो ।

बैठकमा प्रधानमन्त्री तथा नेकपाका अध्यक्ष केपी शर्मा ओली, अर्का अध्यक्ष पुष्पकमल दाहाल, महासचिव विष्णु पौडेल लगायत पनि उपस्थित छन् । यसअघि ओली पेरिसडाँडा बैठकमा अनुपस्थित हुने अड्कलबाजी थियो ।

पार्टी एकता भएको दुई बर्षपछि पेरिडाँडामा बैठक बसेको हो । यसअघि धुम्बाराही र बालुवाटारमा बैठक बस्दै आएको थियो । प्रचण्ड कार्यकारी अध्यक्ष भएपछि उनैको सक्रियतामा पेरिसडाँडामा बैठक बसेको हो ।

बैठकमा स्थायी समिति बैठकका निर्णयहरु कार्यान्वयन, मन्त्रिपरिषद पुनर्गठन, कोरोना महामारी नियन्त्रणमा पार्टीको भूमिका लगायतका विषयमा छलफल हुनेछ । ।