हाकिम भन्दै महिला कर्मचारीलाई बलात्कार गर्दै

४ असोज, कैलाली । कैलालीमा हाकिमको धाक लगाएर महिला कर्मचारीलाई बलात्कार गर्ने एक जना पक्राउ परेका छन् । पक्राउ पर्नेमा जोशीपुर गाउँपालिकाको प्रशासन योजना तथा अनुगमन शाखाका प्रमुख भानुभक्त उपाध्याय हुन् ।

उनलाई गाउँपालिका कार्यालयमै कार्यरत २४ वर्षीया महिला कर्मचारीलाई बलात्कार गरेको आरोप लागेको छ । महिला कर्मचारीले दर्ता गरेको जाहेरीका आधारमा प्रशासन अधिकृत उपाध्यायलाई पक्राउ गरी अनुसन्धान शुरु गरिएको जिल्ला प्रहरी कार्यालयका प्रहरी नायव उपरीक्षक प्रतिक विष्टले जानकारी दिएका छन् ।

लामो समयदेखि हाकिम भन्दै डर देखाउने, जागिर खाई दिने धम्की दिएर उनले महिला कर्मचारीमाथि बलात्कार गर्दै आएका थिए । तर पटक पटक बलात्कार गर्न थालेपछि बाध्य भएर उजुरी महिलाले बताएकी छन् । पक्राउ परेका उपाध्यायमाथि थप अनुसन्धान भइरहेको प्रहरीले जनाएको छ ।