शेरधन राईकी श्रीमति भन्दै हिड्ने बालिका खड्का पक्राउ

४ असोज, काठमाडौं । प्रदेश १ का मुख्यमन्त्री शेरधन राईकी श्रीमती भन्दै हिड्ने बालिका खड्कालाई प्रहरीले पक्राउ गरेको छ । उनलाई कोटेश्वरबाट पक्राउ गरिएको हो ।

नेताहरुसँग कुराकानी गर्ने भन्दै नेकपाको सचिवालय बैठकमा प्रवेश गर्न थालेपछि उनलाई पक्राउ गरिएको हो । नेकपाको सचिवालय बैठक कोटेश्वरमा बसिरहेको छ । कोटेश्वरकाे पेरिसडाँडामा बसिरहेको बैठकस्थलमा छिर्न खोजेपछि उनलाई पक्राउ गरिएको महानगरीय प्रहरी प्रभाग, कोटेश्वरले जनाएको छ ।

उनी दोलखाकी नेकपा कार्यकर्ता समेत हुन् । मुख्यमन्त्री राईले आफूलाई लिभिङ टुगेदरमा रहदा यौन दुव्र्यवहार गरेको उनको आरोप छ । उनले यस विषयमा सञ्चारमाध्यममा समेत अन्तर्वार्ता दिदै आएकी थिइन् । तर उनको आरोप प्रमाणित हुन सकेको थिएन ।

आफ्नो दाबी सही नभएपछि उनले पाँच दिनअघि मुद्दा फिर्ताका लागि निवेदन दिएकी थिइन् ।