मन्त्रीमण्डल हेरफेर गर्ने नेकपाको निर्णय, नाम टुंगो लाग्न बाँकी !

४ असोज, काठमाडौं । सत्तारुढ नेपाल कम्युनिष्ट पार्टी नेकपाको सचिवालय बैठकले मन्त्रीमण्डल हेरफेर गर्ने निर्णय गरेको छ । कोटेश्वरस्थित पेरिसडाँडामा बसेको मन्त्रिपरिषद बैठकले अर्को हप्तासम्म मन्त्रीमण्डल हेरफेर गर्ने निर्णय गरेको हो ।

तर बैठक भोलि पनि बस्ने भएकाले औपचारिक रुपमा यो निर्णय सार्वजनिक गरिएको छैन् ।

प्रधानमन्त्री केपी शर्मा ओली र अर्का अध्यक्ष पुष्पकमल दाहालले बैठकमा मन्त्रिपरिषद पुनर्गठनबारे एजेन्डा प्रस्तुत गरेका थिए । छलफलमा भाग लिएका सबै सचिवालय सदस्यले मन्त्रीमण्डल हेरफेर गर्नुपर्नेमा जोड समेत दिए ।

तर क-कसलाई मन्त्री बनाउने ? र क-कसलाई हटाउने ? भन्ने विषय टुंगिन बाँकी रहेको नेकपाका प्रवक्ता नारायणकाजी श्रेष्ठले जानकारी दिए ।