काठमाडौंमा कोरोनाले ६ जनाको मृत्यु, ७६७ जना संक्रमित

४ असोज, काठमाडौं । कोरोना भाइरसको संक्रमणबाट काठमाडौं उपत्यकामा पछिल्लो २४ घण्टामा ६ जनाको मृत्यु भएको छ । ७६७ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौंका ६०२, भक्तपुरका १०१ र ललितपुरका ६४ जनामा संक्रमण पुष्टि भएको हो ।

यस्तै मृत्यु हुनेमा काठमाडौंका ४०, ६० र ६३ वर्षीया महिला तथा ८२ वर्षका पुरुष छन् । कोरोनाले ललितपुरकी ७५ वर्षीया महिला र भक्तपुरकी ७२ वर्षीया महिलाको पनि मृत्यु भएको छ । पछिल्लो समय निषेधाज्ञा हटेपछि उपत्यकामा पनि संक्रमण बढदो छ ।