एनएमबी हाइब्रिड र एनएमबी ५० को प्रतिफल घोषणा

५ असोज, काठमाडौं । एनएमबि क्याटिलले संचालन गरेको २ वटा म्युचुअल फण्डले प्रतिफल घोषणा गरेका छन् । जसमा एनएमबि हाइब्रिड फण्ड एल–१ ले आर्थिक वर्ष २०७६–७७ को मुनाफाबाट करसहित ८ प्रतिशत र एनएमबि ५० बाट पनि लगानीकर्ताले करसहित ५ प्रतिशतका दरले प्रतिफल पाउने भएका छन् । प्रतिफल वितरण प्रयोजनका लागि दुवै फण्डले असोज १६ गते बुक क्लोज गर्ने जानकारी नेप्सेलाई दिसकेका छन् । यसर्थ, असोज १५ गतेसम्म कायम शेयरधनीले फण्डले वितरण गर्ने प्रतिफल हात पार्न सक्नेछन् । योजना व्यवस्थापक एनएमबि क्यापिटलको आइतबार बसेको सञ्चालक समिति बैठकले दुवै फण्डका इकाईधनीहरुलाई गत आर्थिक वर्षको मुनाफाबाट उक्त प्रतिफल वितरण गर्ने जानकारी दिएका हुन् ।