सोमबार मात्रै कोरोनाले १६ जनाको मृत्यु

५ असोज, काठमाडौँ । कोरोना भाइरसको संक्रमणबाट सोमबार मात्रै १६ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार १३ जना पुरुष र ३ जना महिलाको कोरोना भाइरसको संक्रमणबाट मृत्यु भएको हो ।

मृत्यु हुनेमा मकवानपुरकी १७ वर्षीया महिला, ललितपुरकी ५८ वर्षीया र दोलखाका ५२ वर्षीया महिला छन् । यस्तै काठमाडौँका २ जना ५८ वर्षीय र ७३ वर्षीया, बाँकेका ५० र ५९ वर्षीय , भक्तपुरका ८४ र ६२ वर्षीय, झापाका ७२ वर्षीय, सुनसरीका ४९ वर्षीय, पर्साका ८८ वर्षीय, मकवानपुरका ६८ वर्षीय, ललितपुरका ६१ वर्षीय, चितवनका ५५ वर्षीय र रुपन्देहीका ६७ वर्षीय गरी १३ जना पुरुषको मृत्यु भएको स्वास्थ्य तथा जनसंख्या मन्त्रालयले जनाएको छ ।

यससँगै अहिलेसम्म नेपालमा कोरोना संक्रमणबाट मृत्यु हुनेको संख्या ४२७ पुगेको छ ।