पितृ प्रार्थना–२

पितृको सेवा–सम्मान गर्ने त्यो हुन्छ सज्जन ।
पितृको हेला–बेवास्ता गर्ने त्यो हुन्छ दुर्जन ।।

सज्जनको सदा प्रगति हुन्छ, यो कुरा सत्य हो ।
दुर्जनको सबै बिनाश हुन्छ, यो पनि पक्कै हो ।।

पितृमा शक्ति कति हुन्छ, त्यो पितृभक्तलाई नै थाहा हुन्छ ।
त्यसैले त सोह्रश्राद्धमा पितृजनलाई श्रद्धा–सम्मान गर्नैपर्ने हुन्छ ।।

हे पितृजन ! माहामारीले मानवजगतलाई बेसरी सतायो ।
सायद, पृथ्वीजगतमा पाप बढ्यो भनेर यमराजले कोरोना खटायो ।।

देव–पितृ मिलेर यो महामारी हटाईदेउ ।
पृथ्वीमा मानव कसरी बाँच्नु पर्छ, त्यो पनि ज्ञान दिलाईदेउ ।
हे पितृजन ! आफ्ना सन्तान, दरसन्तानको सुरक्षा गरिदेऊ ।।।

हे पशुपतिनाथ, गुहेश्वोरी माता, यो रोग हटाईदेउ ।
अबका मनिस कसरी बाँच्छन् उपाए बताईदेउ ।।

कसैले भन्छन यो रोग अझै धेरै बढ्ने छ ।
त्यसै हो भने अबका मानिस कसरी बाँच्दछ ।।

हे देव ! हे पितृजन ! तिम्रो तिम्रो शक्ति अपराम्पार ।
हामी समस्त मानवजगत तिम्रो चरणमा पर्छौं लम्पसार ।।

भक्तको रक्षा नै अहिलेके समस्या हामीले बुझ्याछौं ।
तिम्रो भक्तिमा नै शक्ति देखेर हामी ढुक्कमा पर्याछौं ।।

पुतलीबजार–१, स्याङ्जा ।