कोरियन स्याङयोङ्ग गाडीमा ५ लाखसम्मको छुट, स्वास्थ्यकर्मी र प्रहरीलाई थप १ लाख

७ असोज, काठमाडौं । नेपालको लागी स्याङयोङ्ग मोटर्सको आधिकारिक बिक्रेता एवम् आईएमएस ग्रुप अन्तर्गतको, आईएमएस मोटर्सले “स्याङयोङ्ग सुपर डिस्काउन्ट” स्कीम सार्वजनिक गरेको छ ।

यस योजना अन्तर्गत गाडी खरिद गर्न चाहाने ग्राहकहरूले Korean luxury SUV, XLV  मा ३ लाखसम्म छुट प्राप्त गर्न सक्नेछन् । साथै, ग्राहकहरुले आफ्ना पुराना सवारी Tivoli  अथवा XLV सँग एक्सचेन्ज गरेबापत २ लाख थप एक्सचेन्ज बोनस पनि प्राप्त गर्न सक्नेछन् ।

त्यसैगरी कम्पनीले कोभिड वारियर्सहरु (डाक्टरहरू, नर्सहरू, स्वास्थ्य सेवाकर्मीहरू र प्रहरीहरु) लाई थप १ लाख डिस्काउन्ट दिने जनाएको छ । साथै आईएमएस मोटर्स, स्याङयोङ्गले ग्राहकहरुलाई एक वर्षसम्म निःशुल्क बीमा, २५ हजार बराबरको निःशुल्क एक्सेसोरिज, सात बर्षसम्मको सजिलो कर्जा सुविधा, तीन बर्षको वारेन्टि र निःशुल्क सर्भिसिङ्ग (४ पटक वा रिफरल ग्राहकहरूको लागि १ बर्षसम्म) दिने भएको छ ।

यो स्याङयोङ्ग सुपर डिस्काउन्ट अफर २०७७ साल असोज ७ गतेदेखि असोज २० गते सम्ममात्र हुने कम्पनीले जनाएको छ ।

कस्तो गाडी हो स्याङयोङ्ग ?

स्याङयोङ्ग कोरियाको चौथौ ठूलो गाडीहरु उत्पादन गर्ने कम्पनी हो । सन् १९५४ देखि सुरुवात गरिएको यस कम्पनीका गाडीहरु आफ्नो आधुनिक स्टाईल अनि उत्कृष्ट प्रदर्शनको लागि चिनिने गर्दछन् जसको मुलकारण कम्पनीका दक्ष इन्जिनियरहरु हुन् ।

उनीहरुका अन्य मोडलहरु जस्तै SUVs, Pickup trucks र MPVs रहेका छन् ।