फेरि लकडाउन गर्न सरकारको सिफारिस

७ असोज, काठमाडौं । सरकारले सक्रिय संक्रमितको संख्या बढ्र्दै गए लकडाउन गर्न आग्रह गरेको छ । स्वास्थ्य तथा जनसंख्या मन्त्रालयले संक्रिय संक्रमितको संख्या २५ हजार नाघेमा फेरि लकडाउन गर्न सिफारिस गरेको हो ।

मन्त्रालयको इन्सिडेन्ट कमाण्ड सिस्टमको बैठकले २५ हजार बढी भए सक्रिय संक्रमित भए बन्दाबन्दी गर्नुपर्ने निष्कर्ष निकालेको हो । अस्पतालको चापलाई हेरेर लकडाउन गर्नुपर्ने मन्त्रालयको भनाई छ । अहिले देशभर सक्रिय संक्रमितको संख्या १७ हजार ४१४ छ ।

मन्त्रालयले जनस्वाथ्य मापदण्ड पालना हुन नसक्ने व्यवसाय एक महिना बन्द गर्न पनि सिफारिस गरेको छ । तर पछिल्लो समय कोरोना भाइरस सामान्य बनेको भन्दै लापरवाही गर्नेको संख्या बढ्दै गएको छ ।