कोरोना जितेर घर फर्किए महामन्त्री कोइराला

८ असोज, काठमाडौं । नेपाली कांग्रेसका महामन्त्री शशांक कोइराला कोरोनामुक्त भएका छन्। बुधबार गरिएको परीक्षणमा बिहीबार रिर्पोट नेगेटिभ आएको कोइरालाका स्वकीय सचिव भरत तिवारीले जानकारी दिए ।

कोइराला कोरोना संक्रमित भएपछि शुरमै घरमै बसेका थिए । तर पछि उनलाई निमोनिया भएपछि भने चाबिहलको ओम अस्पताल भर्ना भएका थिए । स्वास्थ्य अवस्था जटिल बनेपछि उनलाई भेन्टिलेटरमा राखेर उपचार गरिएको थियो ।

कोरोना सञ्चो हुदै गएपछि उनी गएको शनिबार डिस्चार्ज भएर घर फर्किएका थिए । अस्पतालबाट डिस्चार्ज भएर होम आइसोलेसनमा बसेका उनको रिर्पोट नेगेटिभ आएपछि कोरोनामुक्त भएका हुन् ।

गएको भदौ २३ गते उनलाई कोरोना संक्रमण पुष्टि भएको थियो। नेपाली कांग्रेसमा कोरोना संक्रमित हुने उनी उच्च नेता हुन् ।