ड्रग्सको सहारामा जिउँछन बलिउडका नायक नायिका

८ असोज, एजेन्सी । नायक सुशान्त सिंह राजपुतको मृत्युमा ड्रग्स कनेक्सन देखिएपछि यतिबेला बलिउड नै धरापमा परेको छ । सुशान्तकी प्रेमिका रिया चक्रवर्ती ड्रग्सको मुद्दामा जेल परेपछि अरु नायिका पनि यसैगरी विवादमा तानिएका छन् । जसमध्ये धेरैजसोले ड्रग्स सेवन गर्ने गरेको आरोप छ ।

ड्रग्सको मुद्दामा छानबिन गरिरहेको नारकोटिक्स कन्ट्रोल ब्यूरोले नायिका दीपिका पादुकोण, श्रद्धा कपुर, सारा अली खान र रकुल प्रितलाई सोधपुछका लागि बोलाएको छ । उनीहरुसँग सुशान्तको मृत्यु ड्रग्सको कनेक्सन र संलग्नताबारे सोधपुछ हुनेछ । तर यी चार नायिकालाई ड्रग्स सेवन गर्ने गरेको आरोप लागिरहेको छ ।

एनसीबीले नायिका रकुलसँग आज सोधपुछ गर्दैछ । यस्तै, नायिका दीपिका पादुकोणलाई सेप्टेम्बर २५, सारा अली खान र श्रद्धा कपुरलाई सेप्टेम्बर २६ तारिखमा सोधपुछका लागि एनसीबीले बोलाएको छ । उसो त बलिउडमा धेरै नायक नायिका ड्रग्स खाने गर्छन् । खासगरी सफलताको शिखरमा पुगेर मात्तिएका बेला र असफलताले थलिएका बेला उनीहरु जिउनका लागि उनीहरु ड्रग्सको सहारा लिने गरेका छन ।