थप १४९७ संक्रमित, ५० हजार डिस्चार्ज !

८ असोज, काठमाडौं । नेपालमा थप १४९७ जनामा कोरोना भाइरसको संक्रमण पुष्टि भएको छ। विभिन्न प्रयोगशालामा गरिएको परीक्षणमा थप १४९७ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता डा‍. जागेश्वर गौतमका अनुसार योसँगै नेपालमा कोरोना संक्रमितको संख्या ६९ हजार ३०१ पुगेको छ। यस्तै अहिलेसम्म संक्रमितमध्ये ५० हजार ४११ जना निको भएर घर फर्किएका छन् ।

सक्रिय संक्रमितको संख्या भने १९ हजार रहेको छ । प्रवक्ता गौतमका अनुसार बिहीबार कोरोनालाई जितेर ४५७ जना घर फर्किएका छन्। अहिलेसम्म कोरोना संक्रमणबाट ४५३ जनाको मृत्यु भएको छ।