बुटवलमा कपिलवस्तुकी संक्रमितको मृत्यु

८ असोज, बुटवल । कपिलवस्तुकी कोरोना संक्रमित महिलाको मृत्यु भएको छ । बुटवलस्थित कारोना विशेष अस्थायी अस्पतालमा उपचारकै क्रममा उनको मृत्यु भएको अस्पतालका सूचना अधिकारी डा. विष्णु गौतमले जानकारी दिए ।

कपिलवस्तुको बनगाइकी ७० वर्षीया वृद्धाको बिहीबार साँझ साढे ५ बजे मृत्यु भएको हो । उनी असोज ५ गते अस्पताल भर्ना भएकी थिइन् । उनलाई भेन्टिलेटरमा राखेर उपचार गरिएको भएपनि बचाउन नसकिएको अस्पतालले जनाएको छ । उनी दमका रोगी थिइन् ।