ललितपुरमा रक्सीको विज्ञापन गरिएका होर्डिङ बोर्ड राख्न प्रतिबन्ध

९ असोज, काठमाडौं । ललितपुरमा अब रक्सीका होर्डिङ राख्न नपाईने भएको छ । ललितपुर महानगरपालिकाले मदिराका विज्ञापनको होर्डिङ बोर्ड हटाउने काम सुरू गरेसँगै अब जथाभावी होर्डिङ बोर्ड राख्न नपाईने भएको हो ।

महानगरपालिकाले बैठक गरी शुक्रबारबाट आफ्नो क्षेत्रमा भएका मदिराका विज्ञापन हटाउने निर्णय गरेको हो । ललितपुर महानगरपालिकाका नगरी प्रहरी प्रमुख सिताराम हाछेँथुले मदिराका विज्ञापन गर्न नपाइने बताए । उनका अनुसार जावालाखेल चोकमा राखिएका रक्सीका होर्डिङ बोर्ड हटाउने काम शुरु गरिएको हो ।