प्रेस काउन्सिलबाट किशोरले दिए राजीनामा, कार्यवाहक अध्यक्षमा बुढाथोकी !

९ असोज, काठमाडौं । प्रेस काउन्सिल नेपालका कार्यवाहक अध्यक्ष किशोर श्रेष्ठले राजीनामा दिएका छन् । सदस्यको कार्यकाल केही दिन बाँकी छदै उनले कार्यवाहक अध्यक्षबाट राजीनामा दिएका हुन् । काउन्सिलको बोर्ड बैठकले आजै वरिष्ठ सदस्य गोपाल बुढाथोकीलाई कार्यवाहक अध्यक्ष तोकेको छ । बुढाथोकी साँघु साप्ताहिकका सम्पादक पनि हुन् ।

सरकारले केही समयअघि श्रेष्ठलाई हटाएको थियो । पछि पुनर्वहालीको माग गर्दै उजुरी दिएपछि सर्वोच्चले कार्यवाहक अध्यक्षबाट श्रेष्ठलाई हटाउने सरकारको निर्णय तत्काल कार्यान्वयन नगराउन अन्तरिम आदेश दिएको थियो ।

काउन्सिलमा आन्तरिक विवाद बढेका कारण श्रेष्ठले राजीनामा दिएको अनुमान गरिएको छ । यद्दपि श्रेष्ठ र अर्का सदस्य खिलबहादुर भण्डारीको कार्यकाल यही असोज १२ गते सोमबारबाट सकिदै थियो ।