काठमाडौं उपत्यकामा थपिए ६४५ संक्रमित

९ असोज, काठमाडौँ । पछिल्लो चौबिस घण्टामा काठमाडौँ उपत्यकामा थप ६४५ जनामा कोरोना भाइरसको संक्रमण पुष्टि भएको छ।

जसमध्ये काठमाडौँका ५०३, ललितपुरका ९१ र भक्तपुरका ५१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा देशभर १ हजार ३ सय १३ जना कोरोना संक्रमित थपिएका छन्। यससँगै नेपालमा कोरोना संक्रमितको संख्या ७० हजार नाघेको छ ।