पहिरोले अर्घाखाँचीको गैराका १७ घर बगायो

९ असोज, काठमाडौं । अर्घाखाँचीमा पहिरोले १७ घर बगाएको छ । शीतगंगा नगरपालिका–१२ कोठिया मैदानको जोख्ले गैरा भन्ने ठाउँका १७ घर बगाएको हो ।

तीन दिनको अविरल वर्षापछि शुक्रबार दिउँसो पहिरो गएको हो । पहिरोले मानवीय क्षति भए–नभएको यकीन भएको छैन । भिरालोमा रहेको वस्तीका १७ घर, गोठ, कुखुरा फार्म बगाउँदा नगद, जिन्सी, अन्नपात बगाएको अनुमान गरिएको छ ।

गाउँमा पहिरो गएसँगै ३५ परिवारलाई सुरक्षित ठाउँमा सारिएको छ । घटनास्थलमा पुगेर प्रहरी र स्थानीय बासिन्दाले विस्थापित परिवारको उद्धार थालेको छ ।