बर्षाले विराटनगरका २५ सय घर डुबानमा

९ असोज, विराटनगर । लगातारको बर्षाले मोरङको विराटनगरको दक्षिणी क्षेत्र डुबानमा परेको छ । विराटनगरको दक्षिणी क्षेत्रका करिब दुई हजार पाँचसय घर परिवार डुबानमा परेका विराटनगर महानगरपालिकाका मेयर भीम पराजुलीले बताएका छन् ।

उनका अनुसार भारतले निर्माण गरिदिएको एकिकृत भन्सार जाँच परियोजना आईसीपी, आईसीपी जोड्ने सडक र कोशी राजमार्गका कारण दक्षिणी क्षेत्र डुबानमा परेको हो । चार दिनयता परेको वर्षाका कारण करिब दुई हजार पाँचसय घरमा पानी पसेको बताउँदै उनले निकासका लागि महानगरपालिकाले पहल गरिरहेको बताए ।

भारतले निर्माण गरिदिएको ड्याम जस्तै सडकको विषयमा आवाज उठाउँदा पनि सम्बोधन भएको छैन् । सडक र आईसीपी परियोजना महानगर मातहत नपर्ने बताउँदै उनले केन्द्र सरकारलाई आग्रह गर्दा सरकारले समस्या सामधान गर्न चासो मेयर पराजुलीको गुनासो छ ।