आज काठमाडौं उपत्यकामा थप ७२४ जनालाई कोरोना

१० असोज, काठमाडौं । शनिबार काठमाडौं उपत्यकामा थप ७२४ जनालाई कोरोना भाइरस संक्रमणको पुष्टि भएको छ । स्वास्थ्य तथा जनसंख्या मन्त्रालयले नियमित पत्रकार सम्मेलन गर्दै काठमाडौं जिल्लामा ५८३ सहित उपत्यकामा ७२४ संक्रमित भएका हुन् ।

काठमाडौंमा १९९ महिला र ३८४ पुरुषसहित ५८३ जनामा कोरोना संक्रमण पुष्टि भएको छ । त्यस्तै भक्तपुरमा २८ महिला र ३५ पुरुषसहित ६३ जनामा संक्रमण पुष्टि भएको छ । ललितपुरमा ३७ महिला र ४१ पुरुषसहित ७८ जनामा कोरोना पुष्टि भएको मन्त्रालयले जनाएको छ ।