आजदेखि जनरल इन्सुरेन्स कम्पनीको आईपीओ खुल्याे

११ असोज, काठमाडौं । जनरल इन्सुरेन्स कम्पनीको आईपीओ आइतबारदेखि बिक्री खुला भएको छ । जनरलले प्रतिकित्ता १०० रुपैयाँ अंकित मूल्यमा ३० लाख कित्ता आइपीओ बिक्री खुला गरेको हो ।

जनरलले जारी गर्न लागेको कुल सेयरमध्ये १ लाख २० हजार कित्ता ‘४ प्रतिशत’ शेयर कर्मचारीले पाउनेछन् । यस्तै, १ लाख ५० हजार कित्ता ‘५ प्रतिशत’ म्युचुअल फण्डका लागि छुटयाइएको छ ।

बाँकी २७ लाख ३० हजार कित्ता सेयरमा सर्वसाधारणले आवेदन दिन सक्नेछन् । यस आईपीओमा असोज १४ गतेसम्म आवेदन दिन सकिनेछ । उक्त समयमा सबै आईपीओ बिक्री नभएमा असोज २५ गतेसम्म भर्न सकिने छ ।

लगानीकर्ताले न्यूनतम १० कित्तादेखि अधिकत्तम १० हजार कित्ताका लागि आवेदन दिन सक्नेछन । कम्पनीले ३० करोड रुपैयाँ बराबरको आईपीओ बिक्री गर्न लागेको हो ।