काठमाडौं उपत्यकामा भेटिए ८ सय ९ संक्रमित

११ असोज, काठमाडौँ । काठमाडौँ उपत्यकामा ८ सय ९ जनालाई कोरोना भाइरसको संक्रमण पुष्टि भएको छ । पछिल्लो चौबिस घण्टामा विभिन्न प्रयोगशालामा गरिएको परीक्षणमा ८ सय ९ जनालाई संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार काठमाडौँमा ६३३ , ललितपुरमा १०४ र भक्तपुरमा ७२ जनालाई कोरोना संक्रमण पुष्टि भएको हो । अहिलेसम्म सक्रिय संक्रमित रहेका झण्डै २० हजार संक्रमितमध्ये आधा काठमाडौं उपत्यकाका हुन् । पछिल्लो समय दैनिक काठमाडौं उपत्यकामा संक्रमितको संख्या बढिरहेको छ ।