कामै सम्पन्न नगरी ७५ लाख भुक्तानी !
नेपालबहस संवाददाता
असोज ११, २०७७ सोमबार ०:४०:१३
११ असोज, बुटवल । प्रदेश सरकारले कामै नगरी एक कम्पनीलाई ७५ लाख रुपैयाँ भुक्तानी दिएको पाइएको छ । प्रदेश ५ को उद्योग पर्यटन वन तथा वातावरण मन्त्रालयले काम सम्पन्न नै नगरी ललितपुरको सानेपामा कार्यालय रहेको पिकासो इन्फो डेभलपर्स सट्याक जेभीलाई ७५ लाख रुपैयाँ भुक्तानी दिएको पाइएको हो ।
जबकी यो ठेक्काको ९३ प्रतिशतभन्दा बढी रकम भुक्तानी हो । मन्त्रालयले प्रदेश ५ भित्रका प्रमुख पर्यटकीय स्थल, धार्मिक तथा ऐतिहासिक क्षेत्र, होटल, यातायातलगायत क्षेत्रलाई समेट्ने गरी थ्रिडी भर्चुअल टुर गाइड एप्लिकेशन बनाउन ८० लाखमा उक्त कम्पनीलाई ठेक्का दिएको थियो।
गतवर्ष माघमा सूचना जारी गर्दै प्रक्रिया सुरू गरेको मन्त्रालयले लकडाउनकै बीचमा २०७७ वैशाख १० गते पिकासो डेभलपर्स सट्याक जेभीसँग कार्य सम्पादन गर्ने सम्झौता गरेको थियो।
मन्त्रालयले प्रकाशन गरेको सूचना र उक्त परामर्शदातासँगको सम्झौतामा प्रदेशका प्रमुख पर्यटकीय स्थल, धार्मिक तथा ऐतिहासिक क्षेत्र, होटल, यातायातलगायत क्षेत्रलाई समेट्ने गरी थ्रिडी भर्चुअल टुर गाइड एप्लिकेसन निर्माण गर्ने भनिए पनि कामै नसकी भुक्तानी दिइएको लेखा शाखाले जनाएको छ।
मन्त्रालयका लेखा अधिकृत मुकुन्दप्रसाद पराजुलीका अनुसार सम्बन्धित शाखाको टिप्पणी र सचिवको लिखित आदेशका आधारमा लेखा शाखाले भुक्तानी दिएको हो।
कोरोना भाइरसको महामारी फैलिन नदिन देशभरी लकडाउन गरी कार्यालयसमेत आंशिक खुलेका बेला प्रदेशभरिका पर्यटकीय गन्तव्यको थ्रिडी भर्चुअल टुर गाइड एप्लिकेसन बनाउने सम्झौता गर्नु नै शंकाष्पद छ ।
कर्मचारीहरूका अनुसार मन्त्रालयका तत्कालीन सचिव राधा वाग्ले र योजना शाखा प्रमुख शिवकुमार केसीको योजनाअनुसार हतारहतार असार २९ गते उक्त परामर्शदातालाई बोलाई डेमो प्रदर्शन गरिएको थियो।
सम्झौतामा प्रदेशका १२ वटै जिल्लाका पर्यटकीय गन्तव्यको भिडिओ समावेश गर्ने भनिए पनि तीन वटा जिल्लाका तीन स्थानबाहेक अरू कुनै सामग्री समावेश नगरिएको ती कर्मचारीले बताए।
डेमो प्रदर्शन कार्यक्रममै मन्त्रालयका केही कर्मचारीले यस विषयमा प्रश्न उठाए पनि बेवास्ता गरेर भुक्तानी दिइएको छ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमदिरा र सुर्तीजन्य वस्तुमा कर वृद्धि
जेठ १५, २०८१ मंगलबार
बजेटबारे नेताहरूको मिश्रित प्रतिक्रिया : कोही भन्छन्- राम्रो, कोही भन्छन् नराम्रो !
जेठ १५, २०८१ मंगलबार
सूचना प्रविधि आर्थिक विकासको रुपान्तरणकारी क्षेत्रमा समावेश
जेठ १५, २०८१ मंगलबार
सीमा सुरक्षा प्रहरी चौकी
नेपालबहस संवाददाता
जेठ १४, २०८१ सोमबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
लण्डनमा नेपाली दाजुभाइको 'स्क्वीज्ड' नामको नयाँ रेष्टुरेन्ट संचालनमा
जेठ १५, २०८१ मंगलबार
इजरायलको राफाह आक्रमणपछि राष्ट्रसंघीय सुरक्षा परिषद्को आपतकालीन बैठक बोलाइयो
जेठ १५, २०८१ मंगलबार
तपाईको आजको राशीफल कस्तो छ ?
जेठ १६, २०८१ बुधबार
सयौं वर्ष पुरानो ‘लिङ्गो जुधाउने’ अनौठो संस्कृतिको निरन्तरता
जेठ १६, २०८१ बुधबार
हेलमेट डाँडालाई पर्यटकीय गन्तव्यस्थलका रुपमा विकास गर्ने
जेठ १६, २०८१ बुधबार
सोलार प्यानल र आसपासको बस्ती
जेठ १६, २०८१ बुधबार
बिरुवामा नेपाली सेनाको दुईदिने निःशुल्क स्वास्थ्य शिविर
जेठ १६, २०८१ बुधबार
तनहुँको खैरेनीटार जोड्ने सडकको स्तरोन्नती गर्दै निर्माण सुरु
जेठ १६, २०८१ बुधबार
केजरीवालले अन्तरिम जमानत लम्ब्याउन गरेको निवेदन सर्वोच्चद्वारा अस्वीकार
जेठ १६, २०८१ बुधबार