ड्रग्सको आरोपले आफ्नै ‘माल’मा फसेकी दीपिका

१४ असोज, एजेन्सी । बलिउडमा चुरोट रक्सी नखाने कलाकार सायदै होलान् । चुरोट सामान्य चक्लेट जस्तो लाग्ने बलिउडका कलाकार रक्सी र पाएसम्म ड्रग्स पनि प्रयोग गर्छन् । अहिले सुशान्तसिंह राजपुतको आत्महत्यामा ड्रग्स कनेक्सन भेटिएपछि केही बलिउड अभिनेत्रीमा तनाव छ ।

त्यसको सबैभन्दा बढी दोष दीपिका पादुकोणलाई लगाइएको छ । सुशान्तकी पूर्वप्रेमिका रियाले दीपिकाको समेत नाम लिएपछि उनको तनाव शुरु भएको हो । तर उनी साच्चै ड्रग्स प्रयोग गर्थिन भन्ने विषय अहिले पनि रहस्यमै छ ।

यद्यपी बलिउडमा ड्रग्सलाई माल भन्ने शब्दको प्रयोगका कारण दीपिका पटक पटक प्रहरीमा धाउनुपरेको खुलासा भएको छ । नार्कोटिक्स कन्ट्रोल ब्यूरो एनसिबीको बयानमा उनले माल भनेको आफूले सेवन गर्ने चुरोट भएको बयान दिएकी छिन् ।

उनको च्याट बक्समा माल छ ? भनेर एकपटक एक प्रयोगकर्तासँग दीपिकाले सोधेको प्रमाण भेटिएको थियो । उनले प्रयोग गरेको त्यही शब्दका कारण प्रहरीमा समेत धाउनुपर्यो । तर आफूले प्रयोग गर्ने माल शब्दको प्रयोग चुरोट भएको दीपिकाको दाबी छ ।

चुरोटलाई माल शब्दबाट सम्बोधन गर्दा दीपिका प्रहरीसम्म पुगेर हप्तौ बयान दिनुपरेको भारतीय सञ्चारमाध्यमले जनाएका छन् । चुरोटलाई नै माल शब्द भनेको दीपिकाको दाबी छ । तर माल भनेर ड्रग्सलाई चिन्ने गरिन्छ । माल भन्दै ड्रग्स मगाएर खाने गरेको प्रमाण नभेटिएपछि दीपिकालाई तत्कालका लागि भने राहत मिलेको छ ।

अब उनलाई निरन्तर बयानका लागि एनबिसी जानु पर्ने छैन् । जसबाट दीपिकालाई राहत मिलेको भारतीय सञ्चारमाध्यमले जनाएका छन् ।