माटोको ढिस्कोले पुरिएर स्याङ्जामा एक जनाको मृत्यु, २ जना घाइते !

१३ असोज, स्याङ्जा । माटोको ढिस्कोले पुरिएर स्याङ्जाको वालिङमा एक जनाको मृत्यु भएको छ । वालिङ ११ पेखुको पनेर गैह्रामा आज बिहान गिटी निकाल्ने क्रममा माथिबाट खसेको माटो ढिस्कोले पुरिदा एक जनको मृत्यु भएको हो । अरु दुई जना घाइते छन् ।

ज्यान गुमाउनेमा वालिङ ११ का ३९ बर्षीय दुर्गा थापा छन् । घाइते भएपछि थापालाई उपचारका लागि ग्रहौं प्राथमिक अस्पताल लगिएको थियो । माटोले पुरिएर घाइते भएका ३५ वर्षकी मुना थापा र ३१ वर्षका नारायणी सिंजालीको उपचार भइरहेको छ ।