ओली प्रचण्डबीच बालुवाटारमा वार्ता शुरु

१३ असोज, काठमाडौं । प्रधानमन्त्री तथा नेकपा अध्यक्ष केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच बालुवाटारमा भेटवार्ता सुरू भएको छ।

हिजो भएको छलफल टुंगिन नसकेपछि आज फेरि वार्ता शुरु गरिएको नेताहरुले बताएका छन् । वार्ता मन्त्रिपरिषद पुनर्गठन र कसलाई मन्त्री बनाउने तथा कसलाई हटाउने ? भन्ने विषयमा केन्द्रित छ ।

ओली प्रचण्डबीच वामदेवलाई पनि मन्त्रि बनाउने भन्ने विषयमा विवाद छ । वामदेवलाई मन्त्री नबनाउन सर्वोच्चले आदेश दिइसकेको अवस्थामा प्रचण्ड भने ओलीलाई दबाब दिइरहेका छन् । कम्तीमा १० जना जति मन्त्री फेर्नुपर्नेमा प्रचण्डको जोड छ ।

तर अहिले ६ जना मन्त्री मात्रै थप्ने र धेरै मन्त्री हटाउन नहुने योजनामा प्रधानमन्त्री ओली छन् । जसकारण विवाद मिल्न सकेको छैन् ।