ओली प्रचण्डको भेटवार्ता निष्कर्षविहिन

१३ असोज, काठमाडौं । सत्तारुढ नेकपाका अध्यक्षद्धय प्रधानमन्त्री केपी शर्मा ओली र कार्यकारी अध्यक्ष पुष्पकमल दाहालबीचको आजको बैठक पनि निष्कर्षविहिन भएको छ । बालुवाटारमा भएको बैठक केहीबेरअघि टुंगिएपनि निष्कर्षमा पुग्न नसकेको नेताहरुले बताएका छन् ।

मध्यान्हदेखि बसेको बैठक मन्त्रिपरिषद पुनर्गठनमा कुरा मिल्न नसकेपछि बिनानिष्कर्ष टुगिएको नेताहरुको भनाई छ । पछिल्लो दिनमा ओली र प्रचण्डबीचमा दैनिक बैठक भइरहेपनि कसलाई मन्त्री बनाउने र कसलाई हटाउने भन्नेमा सहमति भएको छैन् । जसकारण दशैंँअघि नै मन्त्रिपरिषद पुनर्गठन गर्ने विषय थप पेचिलो बन्दै गएको छ ।