कर्णाली प्रदेश प्रमुख कलौनीलाई कोरोना पुष्टि

१५ असोज, सुर्खेत । कर्णाली प्रदेशका प्रमुख गोविन्दप्रसाद कलौनीलाई कोरोना संक्रमण पुष्टि भएको छ । कर्णाली प्रदेश अस्पतालमा गरिएको पीसीआर परीक्षणमा कलौनीलाई कोरोना संक्रमण भएको पुष्टि भएको हो ।

प्रदेश प्रमुखको सचिवालयका अनुसार प्रदेश प्रमुखको कार्यालयमा कार्यरत केही कर्मचारीहरूलाई पनि कोरोना संक्रमण पुष्टि भएको छ । उनको कार्यालयका ४ जनामा संक्रमण पुष्टि भएको रिर्पोट बिहीबार आएको छ ।

उनको स्वास्थ्य अवस्थामा सामान्य रहेको र अहिले निवासमै आइसोलेसनमा बसेको उनको सचिवालयले जनाएको छ ।