ढोरपाटनका बाढीपहिरो पीडितलाई प्रभु बैंकको ५ लाख सहयोग

१५ असोज, काठमाडौं । बागलुङ जिल्लामा बाढीपहिरोले क्षति पुरयाएको ढोरपाटनमा प्रभु बैंकले आर्थिक सहयोग प्रदान गरेको छ । प्रभु बैंकका प्रमुख कार्यकारी अधिकृत अशोक शेरचनद्धारा ढोरपाटन नगरपालिकालाई बाढीपीडित उद्वार कोषमा रहने गरि ५ लाख सहयोग प्रदान गरिएको बैंकले एक विज्ञप्ति प्रकाशित गरि जानकारी दिएको छ ।

बाढीपहिरोले क्षतिग्रस्त ढोरपाटन नगरपालिकाको वडा नं. ७, ८ र ९ को निरीक्षणमा गएका गण्डकी प्रदेशका आर्थिकमामिला मन्त्री किरण गुरूङ र भौतिक योजना मन्त्री रामशरण बस्नेतसगै गएका बैंकका सीईओ शेरचनले बुर्तिबाङ बजारमा आयोजित कार्यक्रमका बीच सो रकम हस्तान्तरण गरेका हुन् ।

उक्त अवसरमा बाढी प्रभावित बोबा¨ वडा अन्तर्गतका स्थानियहरुसंग सो टोलीले प्रत्यक्ष भेटघाट गरेको थियो । स्थानीयहरुको समस्या बुझी शीघ्र उक्त ठाउँहरुमा केन्द्रिय बिद्युत प्रसारण लाईनको सेवा पुर्याउने, क्षतविक्षत भएका संरचनाहरुको निर्माणका लागि प्रदेशका तर्फबाट बिशेष प्रकारको सुविधा सम्पन्न सेवा प्रवाहका लागि कार्यालय स्थापना गर्ने जानकारी पनि सो अवसरमा दिइएको थियो ।

सो स्थानमा यसपटकको बाढी पहिरोबाट करिब ३७ जनाले ज्यान गुमाएको, विद्यालय, स्वास्थ्य चौकी, लघु जल विद्युत, पुल र १०० वटा जति घर उक्त घटनाको कारण ध्वस्त भएका छन ।