एकैदिन ३ हजार ३०७ जना संक्रमित डिस्चार्ज

१६ असोज, काठमाडौं । नेपालमा एकैदिन ३ हजार ३०७ जनाले कोरोना भाइरस जितेका छन् । स्वास्थ्य तथा जनसंख्या मन्त्रालयका मन्त्रालयका अनुसार शुक्रबार एकैदिन ३ हजार ३ सय ७ जनाले कोरोना जितेका हुन् । यससँगै कोरोना भाइरस जित्नेको संख्या ६० हजार ६ सय ९६ पुगेको छ ।

प्रदेश १ मा ५ हजार ४०२, प्रदेश २ मा १३ हजार ९२८, बागमती प्रदेशमा १८ हजार ८५१, गण्डकी प्रदेशमा ३ हजार ३७९ जना कोरोना भाइरस संक्रमण मुक्त भएका छन् ।

त्यस्तै प्रदेश ५ मा ९ हजार ८१, कर्णालीमा ३ हजार २५ र सुदूरपश्चिममा ७ हजार ३० जना संक्रमणमुक्त भएका छन् । पछिल्लो २४ घण्टामा २७ सय २२ जनामा कोरोना भाइरस संक्रमण भएको छ । संक्रमितको कुल संख्या ८२ हजार ४ सय ५० रहेको छ । शुक्रबार २७२२ जनामा कोरोना पुष्टि हुँदा ३ हजार बढी कोरोना संक्रमित निको भएर घर फर्किएका हुन् ।