थपिए २२५३ संक्रमित, १३२९ जना डिस्चार्ज

१८ असोज, काठमाण्डौ । नेपालमा थप २ हजार २ सय ५३ जना संक्रमित थपिएका छन् । यससँगै नेपालमा कोरोना भाइरसका संक्रमितको सङ्ख्या ८६ हजार आठ सय २३ पुगेको छ ।

यस्तै पछिल्लो चौबिस घण्टामा १ हजार ३ सय २९ जना डिस्चार्ज भएका छन । यससँगै डिस्चार्ज हुनेको संख्या ६४ हजार ६९ पुगेको छ । पछिल्लो चौबिस घण्टामा १२ हजार ७८४ जनाको परीक्षण गरिएको थियो ।

यस्तै काठमाडौं उपत्यकामा १५९९ जना संक्रमित फेला परेका छन् । संक्रमितमध्ये काठमाडौंका १३७३ जना, ललितपुरका १८७ र भक्तपुरका ३९ जना हुन् । पछिल्लो समय काठमाडौं कोरोनाको हटस्पट बनेको छ ।

अब सक्रिय संक्रमितको संख्या २२ हजार दुई सय १९ रहेको छ । उनीहरु सबै आइसोलेसनमा छन् । यस्तै ४ हजार दुई सय तीन जना क्वारेन्टाइनमा छन् । यस्तै गएको २४ घण्टामा कोरोनाले ७ जनाको मृत्यु भएको छ । यससँगै कोरोनाबाट ज्यान गुमाउनेको संख्या ५ सय ५३ पुगेको स्वास्थ्य तथा जनसंख्या मन्त्रालयले जनाएको छ ।