थपिए २४४० संक्रमित, उपत्यकामा मात्रै १५३१ !

१९ असोज, काठमाडौं । नेपालमा थप २४४० जनामा कोरोना भाइरसको संक्रमण पुष्टि भएको छ । देशभरका प्रयोगशालामा १३ हजार ७८१ नमुना परीक्षण गर्दा ९३७ महिला र १५०३ पुरुषमा गरी २ हजार ४ सय ४० जनालाई संक्रमण पुष्टि भएको हो ।

यससँगै नेपालमा कोरोना संक्रमितको संख्या ८९ हजार २६३ पुगेको छ । उनीहरुमध्ये ५५४ जनाको मृत्यु भएको छ भने ६५ हजार २०२ जना कोरोना जितेर घर फर्किएका छन् ।

पछिल्लो २४ घण्टामा मात्र १ हजार १ सय ३३ जना कोरोनामुक्त भएर घर फर्किएका छन् । संक्रिय संक्रमितको संख्या २३ हजार ५०७ पुगेको छ । १२ हजार ३१६ होम र ११ हजार १९१ संस्थागत आइसोलेसनमा छन् ।

यस्तै काठमाडौं उपत्यकाका १५३१ संक्रमित थपिएका छन् । संक्रमितमध्ये काठमाडौंमा १ हजार १ सय ७८ जना छन् । यस्तै ललितपुरमा २५० र भक्तपुरमा १ सय ३ जना संक्रमित रहेका छन् ।