बजारमा बिक्रीकर्ता हावी हुँदा कुन उपसुचकमा खरिदकर्ताको बलियो उपस्थिति ?

१९ असोज, काठमाडाैं । आज शेयरबजारमा सामान्य गिरावट आएको छ । नेप्से परिसूचकमा गिरावट आएपनि हाईड्रोपावर र विकास बैंक उपसुचकमा खरिद चाप देखिएको छ ।

नेप्से परिसूचक ३ दशमलव ६३ अंकले घट्दै १५८२ दशमलव १२ को विन्दुमा बन्द भएको छ । आज १९३ कम्पनीको शेयर कारोवार हुँदा २ अर्ब ५७ करोडको शेयर कारोवार भएको छ ।

नेप्से परिसूचकमा सामान्य शुन्य दशमलव २३ प्रतिशतले घटेको छ । बजार १५८७ दशमलव ३१ को विन्दुमा खुलेकोमा बजारको उच्च विन्दु १५९४ दशमलव ८९ रहेको थियो । बजारले १५८० दशमलव ६५ को को न्यून विन्दु समातेको थियो । बजारको आजको प्रवृत्ति हेर्दा बजारमा बिक्रीकर्ताहरु हावी भएको देखिन्छ।

नेप्सेको ईण्ट्राडे चार्ट

बजार आज पनि १५९५ को विन्दुबाट फर्किएको छ । बजारको लागि १६०० को विन्दु निकै लामो समय देखि मनोवैज्ञानिक र प्राविधिक प्रतिरोधको रुपमा अघि सरेको छ।  अहिले १६०० को विन्दु पार गर्न नसक्नुको मुख्य कारण भनेको वाणिज्य बैंकका लगानीकर्ताहरु आकर्षित हुन नसक्नु हो।

                                                                           नेप्सेको दैनिक चार्ट

हाईड्रोपावर उपसुचकमा सर्वाधिक वृद्धि देखिएको छ । केही दिनदेखि सुस्ताएको “हाईड्रोपावर” उपसुचकमा भने आज सुरुवात देखि नै चहलपहल बढेको थियो। हाईड्रोपावर उपसुचकमा १२ बजे देखिनै बुलिश प्रवृत्ति सुरु भएको थियो।

आज सर्वाधिक कारोवार हुने ५ कम्पनीहरु :

आज सर्वाधिक कमाउने ५ कम्पनीहरु :

आज सर्वाधिक गुमाउने ५ कम्पनीहरु :

(नोट : निर्णय लिनु अघि थप अनुसन्धान गर्नु होला ! नेपालबहसको शेयर बिश्लेषण गर्ने शाखाले प्राविधिक र आधारभूत औजारको प्रयोग गरेर बिश्लेषण गरिएको हो। नाफा-नोक्सानको जिम्मेवार नेपालबहस हुने छैन। )