प्रदेश ५ को प्रदेशसभा बैठक शुरु, आजै मतदान हुने

२० असोज, काठमाडौं । प्रदेश ५ को प्रदेशसभा बैठक सुरू भएको छ। आजै मतदान हुने भनिएको बैठक केहीबेरअघि देखि शुरु भएको हो । बैठकको शुरुमै समय लिएर नेपाली कांग्रेस सांसद वीरेन्द्र कुमार कनोडियाले आफ्नो धारणा राखिरहेका छन् ।

प्रदेश ५ को नाम लुम्बिनी र राजधानी दाङ बनाउने प्रस्ताव प्रदेश सरकारले सदनमा पेश गरेको छ । प्रस्तावमाथि आज मतदान हुने कार्यसूची छ । यसअघि हिजो कांग्रेसले अवरोध गर्दा पनि प्रस्ताव पेश गरेपछि तोडफोडका साथै प्रदेशसभामा हंगामा भएको थियो ।