डा. केसीकाे मागहरु सम्वोधन गर्न प्रधानमन्त्री ओलीकाे चासो

२० असोज, काठमाडौं । प्रधानमन्त्री केपी शर्मा ओलीले डा.गोविन्द केसी अनसन बसेको २३ दिनपछि उनका मागहरु सम्वोधन गर्न चासो देखाएका छन् । मंगलबार अपरान्ह प्रधानमन्त्री निवास बालुवाटारमा बसेको पार्टी सचिवालय बैठकले  डा. केसीको जीवनरक्षा बारे चासो राखेपछि प्रधानमन्त्री ओलीले केसीका माग पूरा गर्न सरकारले वार्ता सुरु गरेको जवाफ दिएका हुन् ।

डा.केसीले चिकित्सा शिक्षा क्षेत्र सुधारका विषयमा सरकारले गरेका केही सम्झौता कार्यान्वयन भएको र केही कार्यान्वयनका क्रममा रहेको र ती कार्यान्वयन हुँदै जाने जानकारी दिए। बैठकपछि पत्रकारसँग कुरा गर्दै नारायणकाजी श्रेष्ठले सचिवालय बैठकमा मन्त्रिपरिषद पुनर्गठनको विषयले प्रवेश नै नपाएकाे बताएका छन ।

मंगलबार नै सरकारकातर्फबाट शिक्षा मन्त्रालयका सचिव गोपीनाथ मैनालीसहित ३ जनाको टोलीले डा। केसीलाई भेटेर अनशन स्थगित गर्न आग्रह गरेका थियो । सचिवालय बैठकमा संवैधानिक र राजनीतिक नियुक्तिबारे छलफल सुरु भएको पनि प्रवक्ता श्रेष्ठले बताए । उनका अनुसार बैठकमा सांगठनिक एकीकरणका बाँकी कामका विषयमा पनि छलफल भएको थियो । प्रवक्ता श्रेष्ठले छिट्टै अध्यक्षद्वयले अन्य सबै एजेण्डामा छलफल गरेर अर्को बैठक बोलाउने पनि बताए ।

वरिष्ठ नेता झलनाथ खनालका अनुसार सांस्कृतिक विचलनको कारण देखाउँदै दुई वर्षअघि पार्टी र सुदूरपश्चिम सरकारबाट बर्खास्तीमा परेका दीर्घ सोडारीको कारबाही फुकुवा गर्ने प्रस्ताव बैठकमा पेश भएको थियो । सोढारीलाई गरिएको कारबाही दुई वर्ष पछि स्वतः समाप्त भइसकेको भएपनि त्यसलाई फुकुवा गर्नुपर्छ भन्नेबारे केहीबेर छलफल भएको पनि खनालले बताए ।

उनका अनुसार सोडारीले पार्टीलाई लेखेको पत्र सबै सदस्यहरुलाई बाँडिएको थियो । त्यो पत्र पढेर उनकोबारे अर्को बैठकले निर्णय गर्ने नेता खनालले बताए । नेता खनालले सरकारले डा।केसीसँग वार्ता गर्न र उनको ज्यानको सुरक्षा गर्न सुझाव दिएको बताए  ।