बालुवाटारमा ओली र प्रचण्डबीच छलफल

२२ असोज, काठमाडौं । मन्त्रीमण्डल हेरफेरका विषयमा नेकपाका अध्यक्ष पुष्पकमल दाहाल प्रचण्ड र प्रधानमन्त्री केपी शर्मा ओलीबीच छलफल भएको छ । असोज २० पछि पहिलोपटक बालुवाटारमा ओली र प्रचण्डबीच छलफल भएको हो ।

छलफलमा मन्त्रिपरिषद् पुनर्गठन, संवैधानिक तथा राजनैतिक नियुक्ति, पार्टी एकताका बाँकी काम टुंग्याउने लगायत विषयमा छलफल भएको छ ।

गएको असोज ४ को सचिवालय बैठकले एकताको बाँकी काम टुंग्याउने मस्यौदा तयार पार्न र मन्त्रिपरिषद् पुनर्गठनको जिम्मा दुई अध्यक्षलाई दिएको छ । तर, सहमति जुट्न नसक्दा कुनै पनि काम हुन सकेको छैन । पछिल्लो समय ओलीले एकलौटी रुपमा राजदुत नियुक्त गरेपछि प्रचण्ड त्यसबाट असन्तुष्ट छन् ।