जनकपुरमा संक्रमित ७० बर्षीय वृद्धको मृत्यु

२२ असोज, जनकपुर । कोरोना भाइरसबाट संक्रमित एक जनाको धनुषामा मृत्यु भएको छ । जनकपुरको प्रादेशिक अस्पतालमा उपचारको क्रममा शहीदनगर नगरपालिका १ का ७० वर्षीय पुरुषको गएराती मृत्यु भएको हो ।

उनलाई कोरोनाको लक्षण देखिएपछि असोज २० गते अस्पताल भर्ना गरिएको थियो । सोही दिन पीसीआर परीक्षण गर्दा बुधबार दिउँसो उनको रिपोर्ट पोजिटिभ आएको थियो । मुटुका रोगी समेत रहेका उनको उपचारकै क्रममा गएराती नै मृत्यु भएको हो ।