नाट्यगुरु अनुप बरालबाट अभिनय सिक्दै प्रदीप

२३ असोज, काठमाडौं । आधा दर्जन फिल्म खेलेपनि थोरै सफलता धेरै आलोचना खेपेपछि नायक प्रदीप खड्का अभिनय सिक्न शुरु गरेका छन् । नेपाली अभिनयका गुरु मानिने अनुप बरालबाट उनी तीन महिनाको अभिनय सिकिरहेका हुन् ।

पोखरामा प्रदीपले बरालसँग अभिनय सिकिरहेको फोटोहरु सामाजिक सञ्जालमा पोष्ट गरिरहेका छन् । हालै दिनेश राउतको फिल्ममा अभिनय गर्न लागेका प्रदीपले उनके सिफारिसमा अनुपबाट अभिनय कक्षा लिन थालेका हुन् ।

प्रदीपले खेलेका चलचित्रमा रोमान्स देखिएपनि अभिनयमा जहिल्यै कमजोर रहेपछि यसपटक अभिनयका दोस्रो गुरु मानिने बरालबाटै अभिनय सिक्न शुरु गरेका हुन् । प्रदीपले पछिल्लोपटक अभिनय गरेको चलचित्र ३ प्रदर्शन हुन बाँकी छ ।

यो चलचित्रमा पनि उनको अभिनयभन्दा बढी रोमान्टिक सीन मात्रै छन् ।