धुलिखेल र चितवनमा दुई जना संक्रमितको मृत्यु

२५ असोज, काठमाडौं । धुलिखेल अस्पताल र चितवन मेडिकल कलेजमा दुई जना संक्रमितको मृत्यु भएको छ । चितवनको भरतपुर महानगरपालिका वडा नं. १ की ७५ वर्षीया महिलाको मृत्यु भएको हो । उनलाई दम, रक्तचाप र निमोनिया थियो ।

आईसीयुमा उपचारकै क्रममा आज बिहान उनको मृत्यु भएको हो । यससँगै चितवनमा कोरोना संक्रमणबाट मृत्यु हुनेको संख्या ३३ पुगेको छ । यसैगरी काभ्रेको धुलिखेल अस्पतालमा उपचाररत एक जना कोरोना संक्रमित पुरुषको मृत्यु भएको छ ।

धुलिखेल अस्पतालमा १० दिनदेखि उपचाररत ५२ वर्षीय पुरुषको गएराति मृत्यु भएको हो । उनी जन्डिसकोसमेत बिरामी थिए । योसँगै काभ्रे जिल्लामा कोरोना संक्रमणबाट मृत्यु हुनेको संख्या ९ पुगेको छ ।