साम्राज्ञीभन्दा राम्री र महंगी भएकै हुन् उपासना ?

२५ असोज, काठमाडौं । पछिल्लो समय उपासना सिंह ठकुरीको माग बढेको छ । खासगरी लकडाउनमा उनलाई धेरैले फिल्म र विज्ञापनमा अभियनका लागि माग गरेका छन् । यसरी हेर्दा उनको व्यस्तता नेपाली नायिकाहरुकी पनि नायिका मानिने रेखा थापा, अहिलेकी चल्तापूर्जा मानिने साम्राज्ञी लक्ष्मी शाह र प्रियका काकींभन्दा कम छैन् ।

यसले खासगरी साम्राज्ञीलाई ठूलो धक्का दिएको छ । त्यतिमात्रै होइन, निर्देशक निश्चल बस्नेत पत्नी स्वष्तिमालाई पनि उपासनाको डिमाण्डले चुनौति दिएको छ । पछिल्लो समय विज्ञापन र फिल्मको अभिनयमा यी दुई नायिकाको माग बढ्दो छ ।

तर पछिल्लो समय अग्लो उचाई, खाईलाग्दो ज्यान र सिंगल लेडी उपासनाको बढ्दो मागले उनी साम्राज्ञीभन्दा पनि महंगी भएकी हुन् कि भन्ने चर्चा छ । साम्राज्ञी र उपना दुवै अनमोल केसीसँग स्क्रिन शेयर गरेर बढी चर्चामा आएका हुन् ।

उपासनाले पछिल्लो समय कबड्डी, कबड्डी कबड्डी खेलेकी हुन् भने साम्राज्ञीले ए मेरो हजुर ४ खेलेकी छिन् । तर बजार मूल्यमा खासगरी चलचित्रमा अहिले पनि साम्राज्ञीको महंगाई छ । उनी एउटै फिल्म खेलेको १५ लाखसम्म लिने गरेकी छिन् । तर उपासनाको फिल्म रेट स्पष्ट छैन् ।